تعيشي مصر

مابين الامم مصر..سما سطع فيها البدر.. وبقائك لبقيه الامم نصر..وفين العجب ونتي لكل الامم فخر..اسمك اصبح وسام ع الصدر..بعد سنين الفساد والقهر..بعد المعايشه مع العذاب والغدر..بعد حياه الارهاب والفقر..وكأني شايفه بزوغ الفجر..بعد سنين البعد والهجر..بس أوعدك تاني مش هغتر..بناس قالوا انهم من مصر..بس الفعل كان بالعكس..كانت حياتهم مليانه بالشر..ابنك ياأمي عمره ماينجر..لظلم وفساد وشر اشتر..على أهله وناسه وولاد بلدك يامصر..افرحي يامصر النهارده حققنا النصر..والفرحه ماليه قلوب ثوار..ضحوا بنفسهم عشان مصر ماتنهار..وناس روت ترابك بالدم ليل ونهار..كان نفسنا يكونوا معانا يشاركونا النصر..بس هما أكيد حاسين بالفرح والجبر.. اللي هدانا بيه الجبار..اللي حرم على نفسه الظلم..وخلى مصير الظالم النار..تعيشي يامصر..وتسلمي من كل شر

ارحل

بيت كبير وجميل .. مليان أمل وخير .. مليان حب ودفا .. الكرامه.العزة.الحريه .. هي اهدافها .. وناس عايشه فيه بس ياما شافوا قسا..وبعد وجفا .. وحياه مليانه رشاوي وغلا..وبطاله طول المدى ..ولقمة العيش اللي بتيجي بالدم والشقا ..واهانه وفساد هناك وهنا .. وناس تشوف وشها تلاقي ملامح البهدله والمعاناه وتراب الشقا ..بس لو نفضت التراب من على وشهم هتلاقي ملامح حنينه كلها شهامه وجدعنه.. ناس قلوبها كبيره مليانه حب وكبرياء وتضحيه ..مش كتير علىيهم انهم يلاقوا الهنا..ولو هنانا وسعدنا في حاجه واحده تحصلنا هي ان رب البيت اللي كان سبب عذابنا وحزننا يسيبنا ويرحل عننا يسيبنا مع نفسنا لنفسنا يمكن نلاقي نفسنا بس العند والتعالي والغرور فاكر انه هيمشي على مزاجه الكون فاكر انه لسه قادر يقول اه ولا وكن فيكون نصب نفسه الاله الذي لايزول ارحل السعاده لاهل البيت ف بعدك عنهم ..عذرا ايها الغريم اقصد الزعيم.. فالحياه من غيرك افضل واكرم.. واي انسان تاني في الكون مش هيكون زيك وهيكون علينا حنون يحس بينا ويفهم اللي فينا  ويقدر سنين ضاعن مننا في ذل وهوان ارحل قبل مايوم الغضب يبقى بركان مابقيناش قادرين نستحمل رائحتك الفنه اللي انتشرت في كل مكان امشي بقى عشان ننضف بيتنا منك ومن امثالك قبل مايفوت الاوان